ᒣᕇ ᓈᔥᒡ ᓲᐦᒃ ᐋᐦ ᐐᐦ ᐐᒑᐙᑦ ᐅᐦᑯᒥᔅᐦ ᐋᐦ ᐴᓯᔨᒡᐦ᙮ merii naashch suuhk aah wiih wiichaawaat uhkumish aah puusiyichh.

ᐅᐦᑯᒥᔅᐦ ᒌᐦ ᐐᒑᐙᐤ᙮ uhkumish chiih wiichaawaau.

ᑳᐦ ᐴᓯᒡ ᒋᔮᒋᔖᐹᔮᔨᒡ᙮ kaah puusich chiyaachishaapaayaayich.

ᒥᔮᓂᒑᑦ ᐊᓂᑖᐦ ᓈᔥᒡ ᐋᐦ ᑭᑳᓍᔅᒀᔮᔨᒡ᙮ miyaanichaat anitaah naashch aah kikaanwaaskwaayaayich.

ᒣᕇ ᑳᓂᐙᔨᒫᑦ ᐅᔒᒥᔥᐦ ᐱᓖᐦ᙮ merii kaaniwaayimaat ushiimishh piliih.

ᓈᔥᒡ ᐋᐦ ᑯᔥᑖᒋᑦ ᑳ ᓂᑭᑖᑭᓂᐎᑦ, ᐊᒀᑖᔨᐦᑎᐦᒃ, ᑖᓂᑖᐦ ᐐᐱᒡ ᒋᑭ ᒌᐦ ᐅᐦᒋ ᑎᑯᔑᓄᒋᒑ ᓂᑐᓯᔅ᙮ naashch aah kushtaachit kaa nikitaakiniwit, akwaataayihtihk, taanitaah wiipich chiki chiih uhchi tikushinuchichaa nitusis.

ᒀᔥᑯᐱᔨᑦ ᐱᓖ ᐋᐦ ᒌᐦ ᒫᒫᐱᓱᑦ ᙮ kwaashkupiyit pilii aah chiih maamaapisut .

ᒥᔮᑐᑦ ᐐᔨ ᐱᓖ᙮ miyaatut wiiyi pilii.

ᒣᕇ ᓈᑎᐙᐱᒫᑦ ᐅᑐᓯᔅᐦ ᑳ ᓈᒋᐎᑖᔨᒡᐦ᙮ merii naatiwaapimaat utusish kaa naachiwitaayichh.

ᒑᐙᐦᑎᑖᔨᒡᐦ ᐅᑐᓯᔅᐦ ᐅᒥᐦᑎᒥᔨᐤᐦ᙮ ᐋᑯᐦ ᒫᔻᔨᐦᑎᐦᒃ ᒣᕇ ᐋᑳ ᒑ ᐹᔨᑯᔑᑦ᙮ chaawaahtitaayichh utusish umihtimiyiuh. aakuh maaywaayihtihk merii aakaa chaa paayikushit.