Show Roman
ᒣᕇ ᓈᔥᒡ ᓲᐦᒃ ᐋᐦ ᐐᐦ ᐐᒑᐙᑦ ᐅᐦᑯᒥᔅ ᐋᐦ ᐴᓯᔨᒡᐦ᙮ ᐅᐦᑯᒥᔅᐦ ᒌᐦ ᐐᒑᐙᐤ᙮ ᐅᑐᓯᔅᐦ ᒌᐦ ᐐᒑᐙᐤ᙮
merii naashch suuhk aah wiih wiichaawaat uhkumis aah puusiyichh. uhkumish chiih wiichaawaau. utusish chiih wiichaawaau.
ᐐᒋᔖᓂᔥᐦ ᐱᓖᐦ ᒌᐦ ᐐᒑᐙᐤ᙮ ᑳᐦ ᐴᓯᒡ ᒋᔮᒋᔖᐹᔮᔨᒡ᙮ ᒥᔮᓂᒑᑦ ᐊᓂᑖᐦ ᓈᔥᒡ ᐋᐦ ᑭᑳᓍᔅᒀᔮᔨᒡ᙮
wiichishaanishh piliih chiih wiichaawaau. kaah puusich chiyaachishaapaayaayich. miyaanichaat anitaah naashch aah kikaanwaaskwaayaayich.
ᒦᓐ ᒋᔮᒋᔖᐹᔮᔨᒡ ᓈᑑᐦᐅᐎᔨᒡᐦ ᐅᐦᑯᒥᔅᐦ᙮ ᐊᓂᔮᐦ ᐅᑐᓯᔅᐦ ᓂᔮᒋᐎᑖᔨᒡᐦ ᙮ ᒣᕇ ᑳᓂᐙᔨᒫᑦ ᐅᔒᒥᔥᐦ ᐱᓖᐦ᙮
miin chiyaachishaapaayaayich naatuuhuwiyichh uhkumish. aniyaah utusish niyaachiwitaayichh . merii kaaniwaayimaat ushiimishh piliih.
ᓈᔥᒡ ᐋᐦ ᑯᔥᑖᒋᑦ ᑳ ᓂᑭᑖᑭᓂᐎᑦ, ᐊᒀᑖᔨᐦᑎᐦᒃ, ᑖᓂᑖᐦ ᐐᐱᒡ ᒋᑭ ᒌᐦ ᐅᐦᒋ ᑎᑯᔑᓄᒋᒑ ᓂᑐᓯᔅ᙮ ᒀᔥᑯᐱᔨᑦ ᐱᓖ ᐋᐦ ᒌᐦ ᒫᒫᐱᓱᑦ ᙮ ᐙᑎᑖᒥᐦᒀᐦᐙᑦ ᒣᕇ ᐱᓖᐦ᙮
naashch aah kushtaachit kaa nikitaakiniwit, akwaataayihtihk, taanitaah wiipich chiki chiih uhchi tikushinuchichaa nitusis. kwaashkupiyit pilii aah chiih maamaapisut . waatitaamihkwaahwaat merii piliih.
ᒥᔮᑐᑦ ᐐᔨ ᐱᓖ᙮ ᒣᕇ ᓈᑎᐙᐱᒫᑦ ᐅᑐᓯᔅᐦ ᑳ ᓈᒋᐎᑖᔨᒡᐦ᙮ ᒫᒀᒡ ᐐᐎᑎᐦᑳᓱᔨᐤᐦ ᐙᑎᐦᑖᑦ ᙮ ᒑᐙᐦᑎᑖᔨᒡᐦ ᐅᑐᓯᔅᐦ ᐅᒥᐦᑎᒥᔨᐤᐦ᙮ ᐋᑯᐦ ᒫᔻᔨᐦᑎᐦᒃ ᒣᕇ ᐋᑳ ᒑ ᐹᔨᑯᔑᑦ᙮
miyaatut wiiyi pilii. merii naatiwaapimaat utusish kaa naachiwitaayichh. maakwaach wiiwitihkaasuyiuh waatihtaat . chaawaahtitaayichh utusish umihtimiyiuh. aakuh maaywaayihtihk merii aakaa chaa paayikushit.
