ᒣᕇ ᓈᔥᒡ ᓲᐦᒃ ᐋᐦ ᐐᐦ ᐐᒑᐙᑦ ᐅᐦᑯᒥᔅᐦ ᐋᐦ ᐴᓯᔨᒡᐦ᙮ merii naashch suuhk aah wiih wiichaawaat uhkumish aah puusiyichh.

ᐅᑐᓯᔅᐦ ᒌᐦ ᐐᒑᐙᐤ᙮ utusish chiih wiichaawaau.

ᒥᔮᓂᒑᑦ ᐊᓂᑖᐦ ᓈᔥᒡ ᐋᐦ ᑭᑳᓍᔅᒀᔮᔨᒡ᙮ miyaanichaat anitaah naashch aah kikaanwaaskwaayaayich.

ᒦᓐ ᒋᔮᒋᔖᐹᔮᔨᒡ ᓈᑑᐦᐅᐎᔨᒡᐦ ᐅᐦᑯᒥᔅᐦ᙮ miin chiyaachishaapaayaayich naatuuhuwiyichh uhkumish.

ᒣᕇ ᑳᓂᐙᔨᒫᑦ ᐅᔒᒥᔥᐦ ᐱᓖᐦ᙮ merii kaaniwaayimaat ushiimishh piliih.

ᓈᔥᒡ ᐋᐦ ᑯᔥᑖᒋᑦ ᑳ ᓂᑭᑖᑭᓂᐎᑦ, ᐊᒀᑖᔨᐦᑎᐦᒃ, ᑖᓂᑖᐦ ᐐᐱᒡ ᒋᑭ ᒌᐦ ᐅᐦᒋ ᑎᑯᔑᓄᒋᒑ ᓂᑐᓯᔅ᙮ naashch aah kushtaachit kaa nikitaakiniwit, akwaataayihtihk, taanitaah wiipich chiki chiih uhchi tikushinuchichaa nitusis.

ᒀᔥᑯᐱᔨᑦ ᐱᓖ ᐋᐦ ᒌᐦ ᒫᒫᐱᓱᑦ ᙮ kwaashkupiyit pilii aah chiih maamaapisut .

ᒣᕇ ᓈᑎᐙᐱᒫᑦ ᐅᑐᓯᔅᐦ ᑳ ᓈᒋᐎᑖᔨᒡᐦ᙮ merii naatiwaapimaat utusish kaa naachiwitaayichh.

ᒫᒀᒡ ᐐᐎᑎᐦᑳᓱᔨᐤᐦ ᐙᑎᐦᑖᑦ ᙮ maakwaach wiiwitihkaasuyiuh waatihtaat .

ᒑᐙᐦᑎᑖᔨᒡᐦ ᐅᑐᓯᔅᐦ ᐅᒥᐦᑎᒥᔨᐤᐦ᙮ ᐋᑯᐦ ᒫᔻᔨᐦᑎᐦᒃ ᒣᕇ ᐋᑳ ᒑ ᐹᔨᑯᔑᑦ᙮ chaawaahtitaayichh utusish umihtimiyiuh. aakuh maaywaayihtihk merii aakaa chaa paayikushit.