ᐧᐋᔥᑭᒡ ᐋᔥᒄ ᐋ ᒌ ᐧᐋᐆᔮᔮᔨᒡ ᐊᒥᔅᒄ ᐅᓱᐃ
When the Beaver Had a Round Tail
Study the following
Show Roman Play all
When the beaver had a round tail
ᒋᒋᔅᒑᔨᐦᑖᓈᐙᒋᒑ ᐙᔅ ᐋ ᐋᐱᑎᓰᑦᐊᒥᔅᒄ ᐋ ᑎᐱᔅᑳᔨᒡ᙮
chichischaayihtaanaawaachichaa waas aa aapitisiitamiskw aa tipiskaayich.
ᐋᑯᐦ ᐋ ᒌᔑᑳᔨᒡ ᓈᐹᑦ ᐊᓐ ᐊᒥᔅᒄ᙮
aakuh aa chiishikaayich naapaat an amiskw.
ᐹᔨᒀᐤ ᓈᔥᒡ ᐋ ᒥᔪᑎᐱᔅᑳᔨᒡ ᑳ ᐃᑖᔨᐦᑎᐦᒃ ᐊᒥᔅᒄ ᒑ ᓂᑑᐋᐱᑎᓰᑦ, ᐐᒡ ᐋ ᒌ ᐐ ᓂᑑᐆᔑᐦᑖᑦ᙮
paayikwaau naashch aa miyutipiskaayich kaa itaayihtihk amiskw chaa nituuaapitisiit, wiich aa chii wii nituuuushihtaat.
ᓂᔮᑣᑭᒫᑦ ᒥᔥᑎᒄᐦ ᓈᔥᒡ ᐋ ᒥᐦᒑᔅᑯᓯᔨᒡᐦ᙮ ᑖᐦᑯᐦᐅᑯᑦ ᐊᓂᔮᐦ ᒥᔥᑎᒄᐦ ᓂᐦᐋᐤ ᐊᓂᑎᐦ ᐅᓱᐦᒡ᙮
niyaatwaakimaat mishtikwh naashch aa mihchaaskusiyichh. taahkuhukut aniyaah mishtikwh nihaau anitih usuhch.
ᓂᒥᒌᐙ ᐹᐦᑖᑰ ᐊᐙᔫᐦ ᐋᑦ ᓈᔥᒡ ᐃᑣᑦ ᐋ ᐋᔑᐦᒀᑦ, ᐐᒋᐦᐄᒄ, ᐐᒋᐦᐄᒄ, ᓂᒧᐃ ᓂᒌ ᐋᐦᒌᓐ᙮
nimichiiwaa paahtaakuu awaayuuh aat naashch itwaat aa aashihkwaat, wiichihiikw, wiichihiikw, nimui nichii aahchiin.
ᓂᒧᐃ ᒫᒃ ᐅᐦᒋ ᐐᒋᐦᐄᑰ ᐊᐙᔫᐦ᙮ ᒥᓯᐙ ᐊᐙᔫᐦ ᐋ ᒌ ᓂᐹᔨᒡᐦ ᐋᑳ ᐹᐦᑖᑯᑦ ᒫᒀᒡ ᑮᑆ ᐋ ᑎᐱᔅᑳᔨᒡ᙮
nimui maak uhchi wiichihiikuu awaayuuh. misiwaa awaayuuh aa chii nipaayichh aakaa paahtaakut maakwaach kiipwaa aa tipiskaayich.
ᐱᔮᑖᐱᔨᒡ ᐙᑎᐦᑎᑯᑦ ᒋᔖᔮᒄᐦ ᐋ ᐱᐹᒧᑖᔨᒡᐦ᙮ ᐊᒀᑖᑦ, ᐐᒌᐦ ᒫ᙮ ᓈᔥᑖᑆ ᓂᑖᐦᑯᓯᓐ ᔖᔥ ᓂᓱᐃ᙮
piyaataapiyich waatihtikut chishaayaakwh aa pipaamutaayichh. akwaataat, wiichiih maa. naashtaapwaa nitaahkusin shaash nisui.
ᐊᐦᑰ ᑮᑆ ᐙᒋᐦᐄᑯᑦ ᐊᓂᔮᐦ ᒋᔖᔮᒄᐦ᙮ ᐎᔮᐱᐦᑎᒥᔨᒡᐦ ᐊᓂᔮ ᐅᓱᐃ ᓈᔥᑎᔨᒡ ᐋ ᓂᐱᑳᔨᒡ᙮
ahkuu kiipwaa waachihiikut aniyaah chishaayaakwh. wiyaapihtimiyichh aniyaa usui naashtiyich aa nipikaayich.
ᐙᓵ, ᐄᑎᑰ, ᓈᔥᑎᔨᒡ ᐙᔅ ᐆ ᓂᐱᑳᐤ ᒋᓱᐃ᙮
waasaa, iitikuu, naashtiyich waas uu nipikaau chisui.
ᒥᔮᑐᑦ ᐐ ᐊᓐ ᐊᒥᔅᒄ᙮
miyaatut wii an amiskw.
ᐊᑳ ᒫᑐᐦ, ᐄᑎᑰ ᐊᓂᔮᐦ ᒋᔖᔮᒄᐦ, ᓈᔥᑖᑆ ᐙᔅ ᒋᑭ ᒥᔻᐱᒋᐦᑖᓐ ᐊᓐ ᒋᓱᐃ ᐋ ᐱᒥᔥᑳᔨᓐ᙮ ᒥᔻᔨᐦᑦᐦ ᑎᔨᑯᒡ᙮
akaa maatuh, iitikuu aniyaah chishaayaakwh, naashtaapwaa waas chiki miywaapichihtaan an chisui aa pimishkaayin. miywaayiht-h tiyikuch.
